QOYÍW
Qaraqalpaqsha
f. 1. Zattı bir orınǵa aparıw, ornalastırıw, jaylastırıw.
2. Belgili bir is-xáreketti toqtatıw, irkiw, qoydırıw.
3. Qaytıs bolǵan adamlardı jayǵastırıw.
4. Tuwılǵan balanıń atın belgilew.
Atın qoyǵan Arıslan dep, On tórt jasar balasın, Názerine aladı (A.Dabılov).
5. Xızmetke qoyıw, jumısqa tayarlaw, xızmetke aralastırıw.
0 Qarap qoyıw — názer salıw, qaraw.
Satlar áste bildirmesten kóz astınan Qámekbayǵa qarap qoydı (J.Aymurzaev).
Kewil qoyıw — zeyin salıw.
Taǵı da kewil qoyıp tıńlay baslaydı (Á.SHamuratov).
Qulaq qoyıw — kewil bóliw, tıńlaw.
Kiyatırǵan kisi ara-tura ján-jaǵına qulaq qoyadı (T.Qayıpbergenov).
Jol qoyıw — qátelik islew, qátelesiw.
Erteń bolmasa bir kún ol baxıtsızlıqqa jol qoyıwı múmkin (T.Qayıpbergenov).
Qol qoyıw — jazılǵandı durıslaw, makullaw, tastıyıklaw.
Biraq dúzilgen protokolǵa qol qoyıwın umıtpadı (A.Bekimbetov).
Oyın qoyıw — qızıq kórsetiw, tamasha beriw.
Teatr jámááti qonsılas oblastlarǵa barıp oyın qoydı.
Talap qoyıw — wazıypa júklew.
Respublikalıq kózden ótkeriw dáretiwshi jámáátke úlken talap qoydı.
Qoyıp jiberiw — urıp salıw.
Íqlas qoyıw — zeyin salıw, ıqlası ketiw, qumar etiw.