QÁDIR
Qaraqalpaqsha
at. 1. Jámiyette adamlar arasındaǵı sıylasıq, xúrmet, izzet.
Batırdıń qádiri jawda bilinedi.
Biydiń qádiri dawda bilinedi (qq.x.n.m.).
2. Baqa, nırq.
Miynettiń qádirin bilgen adam ǵana dúnyanı baxalay biledi (J.Aymurzaev).
3. Áxmiyet, qımbat.
Kespey kelmaǵansha qılısh, Jawhardıń qádirini bilmes (A.Dabılov).
0 Qádir aqsham — musılmanlardıń jaqsılıq kóretuǵın túni.
Qádir aqshamı tolǵattı, Ayı, kúni tolǵan eken (Berdaq).
Qádir tún — diniy kitaplardaǵı qudanıń ráhim etken túni.
Qádir izzet — sıy, xúrmet.
Al, bular bárinen de burın adamnıń qádirin biledi, usınıń menen ózleri de qádir-izzetin joqarı sanaydı (Ó.Xojaniyazov).