f. 1. Bir jerde dóńgelendirip shır aylandırıw.
Traktordı ılaqshı attay úyirip, tabannan aylandırdı (K.Sultanov).
2. Bir jerge úyirip toplaw, jıynaw.
Jumagúldiń gápleri kem-kem nen hámmeni úyirip, shúyirkelestire berdi (T.Qayıpbergenov).
3. Bir nárseni joqarı kóterip aylandırıp bılǵaw.
Oraz atalıq qamshısın kolxozshılardıń ústinde úyirip, qattı qáhárde turdı (A.Áliev).
0 Zárebesin úyiriw — ashıwı keliw, qáhárleniw, záhárin ótkeriw.
Ol zárebesin úyirip Qosıbayǵa alıp umtıldı (K.Sultanov).
Iymanın úyiriw — a) qorqıǵıw, zárebesin úyiriw.
Ol tań aldında mıltıq atıp, hámmeniń iymanın úyirdi (SH.Seytov).
b) adam óler aldında jatqanda oqılatuǵın quran.
Óz iymanın úyirip, «Dúnyaǵa kelip boldım», dep kózin tastay jumadı... («Er Ziywar»).
Til úyiriw — mazalı, shiyrin, júdá tatlı.
Onıń tandırlarında jabılǵan pátirler jumsaq bolıp, awzına salǵanda tilińdi úyirip ketedi (X.Seytov).