ÚLKEN
Qaraqalpaqsha
kel. 1. qaramı júdá zor, náhán.
Erteń túnde úlken keme alıp keledi (T.Qayıpbergenov).
2. kópti kórgen, kóp jasaǵan, jası ullı.
Jası úlken aǵamız jáne Mátseyit, Bizge keldi ayırılmas dóhmet (Átesh).
3. keń kólemli, maydanlıq, keńislik.
4. awıs. joqarı xızmetker, hámellar.
Qaydan bileseń, bálkim Sapar onnan da úlken bolıp keler (Ó.Xojaniyazov).
5. iri, biyik, náhán, áwdiygen.
f Úlken adım — alǵa ilgerilew, ósiw.
Úlken áhmiyetke iye — áhmiyeti zor, áhmiyetli.
Xalıqlardıń usı úlesleriniń bir bólegi bolıwı ulken áhmiyetke iye (B.Ismayılov).
Úlken gúzar jol — keń, ashıq jol.
Úlken guzar jol úsh tarawǵa bólinedi (J.Saparov).
Úlken qáwip — qorqınıshlı, qáweterlilik, qáwiplilik.
Barıw ulken qáwip boldı... Úyrenisken bularǵa (Jiyen jıraw).
Úlken ózgeris — kóp jańalıq, ózgeshelik, ayırmashılıq.
Qaraqalpaq xalqınıń ómir táǵdirinde, kún kórisinde ulken ózgerisler boldı (Q.Ayımbetov).
Úlken sapar — uzaq jolǵa shıǵıw, talap penen atlanıw.
Ol usı jolǵa ulken saparǵa atlandı (J.Saparov).
Úlken tabıs — mol jeńis, mol sawǵa.
Aq altınǵa tolıp bıyıl qırmanlar, Toyǵa ulken tabıs penen barayıq (D.Qasımov).
Úlken talap qoyıw — wazıypalar, juwapkershilik júklew.
Rayonnıń aldına ulken talaplar qoydıq (J.Aymurzaev).
Úlken waqıya — ullı ózgeris, ájayıp jańalıq, burılıs.
Mine usı ulken waqıya qaraqalpaq xalqı ushın jańalıq boldı (Ǵ.Esemuratov).
Oǵada úlken — a) júdá zor, bahalı.
Qımbat bahalı bul tastıń bahası oǵada ulken (qq.x.e.).
b) náhán, biyik, giddiman.