ÓRKESH
Qaraqalpaqsha
at. 1. Túyeniń arqasındaǵı búkir, dóńes jeri, maylı jeri, shokdıq.
Sende quwrap qalǵan tikesh, At qosshılar buydasın shesh, Qara buwra qıysıq órkesh, Zamanında túye ekenseń (Kúnxoja).
Órkeshlerin may basqan, shuwdaların shań basqan (Q.Ayımbetov).
2. Tawdıń, qumlıqtıń biyik jeri, tóbeshik, shoqlıq, órkeshke usaǵan dóń.
Ísıldaǵan túye órkesh qumlıqqa altınnıń usaǵın aralastırǵanday jalt-jult etip, kózlerin qamastırmaǵa qaradı (Ó.Ótewliev).
0 Buwra órkesh — a) eki ayrı órkesh, b) suwdıń tolqını.
Samal menen shayqalǵan qamıslardıń sıldırlısı, dáryadaǵı órkesh tolqınlardıń gúrildisi, dawıldıń ısqırǵan sesti Qádirdi uslaw ushın basıp kiyatırǵan jawdıń ábeshiy dúsirlisindey esitildi (K.Sultanov).
Taw órkeshi — tawdıń órkeshke usaǵan jeri.
Órkesh tawıń ulasıp, Nar qamısın jarasıp, jańarǵan eldiń sániseń (K.Sultanov).