ÓRNEK
Qaraqalpaqsha
at. Úlgi, tájiriybe.
Ol ózi dáslep atızda jumıs islep, basqalarǵa órnek kórsetti (Ó.Xojanov).
Bizde solardan órnek alıp óz kúshimizdi jámlep, jergilikli hákimlerge kúsh kórsetip sınaqtan ótiwimiz kerek (A.Bekimbetov).
Aqılgóylik qılma hesh bir adamǵa, Is júzinde órnek kórset odan da (I.YUsupov).
Aqıl-zeyni shıńqobızdıń tilindey, Sol qızlardan órnek alıń, qızlar (I.YUsupov).
Ólmes miyras órnek qalar artında, Qarańǵı qápeste qaltırap ediń (Á.Ájiniyazov).