ÓTKERIW
Qaraqalpaqsha
f. 1. Bir jerden ekinshi tárepke jılıstırıw, awıstırıw, ózgertiw.
Qonaqtı dálizden ótkerip ishki bólmege kirgizdi (T.
Qayıpbergenov).
2. Basınan keshiriw, kóriw.
Kórmey hesh bir jábirdi, Ótkerdi solay ómirdi (T.
Jumamuratov).
Úylenbegen, endi qartayǵan, úyleniwdin ne keregi bar, bir ózim turganım maqul ǵoy dep bir ózim kóp jıllar ómir ótkergen edim (K.
Ayımbetov).
3. Islew, atqarıw.
Egisten aldın toy-poyın ótkerip jibereyik, ulım (S. Xojaniyazov).
Bunday gúrrińlerdi direktor olar menen talay ret ótkergen (T.
Qayıpbergenov).
Bizler báhárdin uzak kúnin dalada ótkeriwge kumarmız (Ó.
Ayjanov).
4. Tıǵıw, ildiriw, kirǵiziw.
Sabınıń ilmegine ortan barmaǵın ótkerip, qamshısın bılǵap qoyadı (N.
Bórekeshov).
Ele esimde, eki qutı bos shırpını tesip, jip ótkerip, telefon islep alatuǵınbız (Ó.
Ayjanov).
5. Asırıw, artgırıw, ozdırıw.
Qáxárlenip belin buwdı, Tındırdı hám aqqan suwdı, Atasınıń jolın kuwdı, Onnan da ótkergen eken (Berdaq).
Ol qıtımırlıqtı sútxor ákesinen de ótkeripti (A.
Bekimbetov).
6. Barlaw, bakdaw, tákirarlaw.
Uyalǵanlıqtan qızara túsip, sawın sıyırlardı kóz aldınan birim-birim ótkerip qaradı (J.
Seytnazarov).
7. Júrgiziw, júzege asırıw.
Ashıw qıssa kózlerinde ot janıp, Qáxárlense qamshısınan qan tamıp, Zulımlıǵın ótkeripti ólgenshe, Zirler eken awıldaǵı bar xalıq (I.
YUsupov).
0 Kózden ótkeriw — barlıq nárselerdi kózi menen sholıw.
Kún ullı sáske waqıtı, Ájiniyaz otawda bir ózi aqshamǵı xádiyselerdi bir-bir kózden ótkerip otır (K.
Sultanov).
Beti-qollarımdı juwıp, tóle ishin jáne kózden ótkere basladım (M.
Nızanov).
Sınnan ótkeriw — xámme nárselerdi sınnan ótkeriw, sınaw.
Barlıǵın birim-birim sınaǵanday sınnan ótkerdim (J.
Aymurzaev).