АЛДАМШЫ
Қарақалпақша
алдайтуғын, алдағыш, көз бояўшы, жалған.
Дал бедеўлер сүринғенде, жүйрикти де «шабан» десер, Аңғырт минез аламаншы, қыйқыўы өзине қамшы, «Халқым» десе бир алдамшы, «Усы керек маған» десер (И.Юсупов).
Алдамшы дүнья — жалғаншы дүнья, өткинши, көз алдаўшы.
Аманат бул жанды сүйредик пул деп, Күн демей, түн демей биз жүре бердик, Саўлықты жоғаллтық пул деп, Алдамшы дүньяға биз ере бердик (А.Нуратдинов).
Алдамшы көринис псих.
(лат.
illusio — алдайман) (иллюзия) Түрли себеплерге байланыслы өмир шынлығының терис, исенимсизлик, корқыныш, хүрей сыяқлы психикалық тәсир нәтийжесинде орталыққа исенимсизлик пенен қараў, кеўил күйиниң бузылыўы пайытында жийирек көзге түседи.