ВЕКСЕЛЬ
Қарақалпақша
Нызам менен қатаң белгиленген формадағы жазба қарыз миннетлемеси: қарыз алыўшы тәрепинен кредиторға берилип, кредиторға белгиленген мүддеттен соң қарызлардан векселде көрсетилген пул суммасын төлеўди талап етиў ҳуқықын береди.
Төс қалтама қол жуўыртсам, сонда да, Еле төленбеген вексельдер жатар (И.Ю.).
Вексель айланысы.
экон.
Ақша орнына жүретуғын вексельдиң жеткериўшилер менен төлеўшилер арасындағы айланыс ҳәрекети.
Вексель валютасы, экон.
Вексель бойынша төленетуғын қарызларлық миннетлеме суммасы.
Вексель дисконты.
экон.
Вексельди қолланыў ўақтынан бурын белгиленген суммадан төмен бақаға сатып алыў; банклердиң вексельлерди сатып алыў (есапқа алыў) ўақтында өндирип алатуғын есаплық процентти.
Вексель есабы.
экон.
Вексельди қолланыў ўақтынан бурын аталыўы қунынан төмен бақаға сатып алыў; банктың вексель алыўшыға, яғный вексельди алыўшы адамға вексельде көрсетилген сумманы ўақтынан бурын төлеў арқалы қарызға бериў белгиси.
Вексель қарызы, экон.
Банк вексельди ўақтынан бурын сатып алып, ал вексель алыўшыға есаплық процент (дисконт) пенен банк комиссиясын шегирип, вексельде көрсетилген сумма муғдарында қарыз беретуғын коммерциялық қарыз түри.