VEKSEL
Qaraqalpaqsha
Nızam menen qatań belgilengen formadaǵı jazba qarız minnetlemesi: qarız alıwshı tárepinen kreditorǵa berilip, kreditorǵa belgilengen múddetten soń qarızlardan vekselde kórsetilgen pul summasın tólewdi talap etiw huqıqın beredi.
Tós qaltama qol juwırtsam, sonda da, Ele tólenbegen vekselder jatar (I.YU.).
Veksel aylanısı.
ekon.
Aqsha ornına júretuǵın vekseldiń jetkeriwshiler menen tólewshiler arasındaǵı aylanıs háreketi.
Veksel valyutası, ekon.
Veksel boyınsha tólenetuǵın qarızlarlıq minnetleme summası.
Veksel diskontı.
ekon.
Vekseldi qollanıw waqtınan burın belgilengen summadan tómen baqaǵa satıp alıw; banklerdiń veksellerdi satıp alıw (esapqa alıw) waqtında óndirip alatuǵın esaplıq protsentti.
Veksel esabı.
ekon.
Vekseldi qollanıw waqtınan burın atalıwı qunınan tómen baqaǵa satıp alıw; banktıń veksel alıwshıǵa, yaǵnıy vekseldi alıwshı adamǵa vekselde kórsetilgen summanı waqtınan burın tólew arqalı qarızǵa beriw belgisi.
Veksel qarızı, ekon.
Bank vekseldi waqtınan burın satıp alıp, al veksel alıwshıǵa esaplıq protsent (diskont) penen bank komissiyasın shegirip, vekselde kórsetilgen summa muǵdarında qarız beretuǵın kommertsiyalıq qarız túri.