ИЙЕ
Қарақалпақша
ат. Хожа, өз мүлки етип алыўшы.
Солай да болса ийесине қайтып бермесе уят (М.Чимбергенов).
Беккемленип күши уллы Ўатаннын, Ийе болдың таўсылмастай байлыққа (Д.Назбергенов).
Сөйтип елге ийе излеў гүйине түсти (Қ.Ерманов).
Иним, багажыңды ашып жибер, — деди бизиң изимизден келген үй ийеси (М.Нызанов).
Отаў ийеси болыўға жақынлап қалған бала ғой, жүрсин де (К.Султанов).
«Бирэўдин қол шаршысы түсипти-аў, ийесине берейин», — дедим де, қалтама салдым (Т.Қайыпбергенов).