IYE
Qaraqalpaqsha
at. Xoja, óz múlki etip alıwshı.
Solay da bolsa iyesine qaytıp bermese uyat (M.CHimbergenov).
Bekkemlenip kúshi ullı Watannın, Iye boldıń tawsılmastay baylıqqa (D.Nazbergenov).
Sóytip elge iye izlew gúyine tústi (Q.Ermanov).
Inim, bagajıńdı ashıp jiber, — dedi biziń izimizden kelgen úy iyesi (M.Nızanov).
Otaw iyesi bolıwǵa jaqınlap qalǵan bala ǵoy, júrsin de (K.Sultanov).
«Birewdin qol sharshısı túsipti-aw, iyesine bereyin», — dedim de, qaltama saldım (T.Qayıpbergenov).