КЕШКЕ
Қарақалпақша
р. Кеште, кешқурын, кешке таман.
... бүгин кешке жарма-жаўғанларынды ишип болыўдан бийдай ораққа барасыз (Ө.Хожаниязов).
Соның өзи саған ўақытхошлық, сол саған той- мереке, кешке үйге келесең (Т.Нәжимов).
Қыдырып барамыз кешке, Буны ойға алың қызлар (Омар).
0 Кешке қарай — кешке таман, кешқурақым.
Кешке қарай қар адам көтеретуғын болды (А.Әлиев).
Кешке жақын — кешке таман, кешқурақым.
Кешке жақын ҳаўа ашылып кетти (Т.Қайыпбергенов).
Кешке дейин — кешке шекем, шейин.
Ол кешке дейин аўзынан үзликсиз кебик шашты,... (А.Бекимбетов).
Кешке шекем — азаннан кешке дейин.
... азаннан кешке шекем тек ғана 2—3 литр сүт береди, — деген еди,... (Ж.Сейтназаров).