KESHKE
Qaraqalpaqsha
r. Keshte, keshqurın, keshke taman.
... búgin keshke jarma-jawǵanlarındı iship bolıwdan biyday oraqqa barasız (Ó.Xojaniyazov).
Sonıń ózi saǵan waqıtxoshlıq, sol saǵan toy- mereke, keshke úyge keleseń (T.Nájimov).
Qıdırıp baramız keshke, Bunı oyǵa alıń qızlar (Omar).
0 Keshke qaray — keshke taman, keshquraqım.
Keshke qaray qar adam kóteretuǵın boldı (A.Áliev).
Keshke jaqın — keshke taman, keshquraqım.
Keshke jaqın hawa ashılıp ketti (T.Qayıpbergenov).
Keshke deyin — keshke shekem, sheyin.
Ol keshke deyin awzınan úzliksiz kebik shashtı,... (A.Bekimbetov).
Keshke shekem — azannan keshke deyin.
... azannan keshke shekem tek ǵana 2—3 litr sút beredi, — degen edi,... (J.Seytnazarov).