КИНДИК
Қарақалпақша
ат. анат.
1. Балалардың хәм де жанлыжаныўарлардың туўылғаннан кейин ишек-найды кесип таслаў нәтийжесинде қарынның ортасында пайда болған кишкене шуқыр жер, кесилген киндиктиң орны, қарынның орта бөлеги.
0 Киндиғине жетпеў — бойы пәс, келте.
Киндигине жетпес алған қатыны, Ләузелердиң ләузелери бар екен (Омар).
2. Кустың асқазанының бөлеги.
3. аўыс. 0 Киндик әке, киндик шеше — жаңа туўылған баланың киндигин кескен киси, булар, көбинесе, ҳаял-қызлардан болады.
Биреўи киндик шешемен, Биреўи өзим кесемен (Бердақ).
Киндиктен қан тамған жер — туўылган жер, өскен жер.
Киндик қаны тамған Әмиўдиң бойы, Бойында топланған колхоздың тойы (Ә.Шамуратов).
Маған туўысқан ҳәр шыбыгың хәм бүртиклериң, Сениң астың — киндигимнен қан тамған жерим (И.Юсупов).
Киндик жип ат. диал.с. — қара үйде қазыққа белдеўден байланып, жерге қағылатуғын жип.