KINDIK
Qaraqalpaqsha
at. anat.
1. Balalardıń xám de janlıjanıwarlardıń tuwılǵannan keyin ishek-naydı kesip taslaw nátiyjesinde qarınnıń ortasında payda bolǵan kishkene shuqır jer, kesilgen kindiktiń ornı, qarınnıń orta bólegi.
0 Kindiǵine jetpew — boyı pás, kelte.
Kindigine jetpes alǵan qatını, Láuzelerdiń láuzeleri bar eken (Omar).
2. Kustıń asqazanınıń bólegi.
3. awıs. 0 Kindik áke, kindik sheshe — jańa tuwılǵan balanıń kindigin kesken kisi, bular, kóbinese, hayal-qızlardan boladı.
Birewi kindik sheshemen, Birewi ózim kesemen (Berdaq).
Kindikten qan tamǵan jer — tuwılgan jer, ósken jer.
Kindik qanı tamǵan Ámiwdiń boyı, Boyında toplanǵan kolxozdıń toyı (Á.SHamuratov).
Maǵan tuwısqan hár shıbıgıń xám búrtikleriń, Seniń astıń — kindigimnen qan tamǵan jerim (I.YUsupov).
Kindik jip at. dial.s. — qara úyde qazıqqa beldewden baylanıp, jerge qaǵılatuǵın jip.