ПӘР
Қарақалпақша
ат. Қустың, жүни, түги.
Пәр болайын ушқың келсе, Яр болайын қушқың келсе, Ләбиң тийип ишкиң келсе, Шийрин шекер пал болайын (И.Юсупов).
Алғыр қус хор болар пәрден айрылса, Ер жигит хор болар малдан айрылса (ққ.поэз.ант.).
Қыз шайы-жипек липасқа бөленип, қасына қойылған аппақ ләрдастыққа бас қойды (М.Нызанов).
Жемсегиниң тусындағы пәри түсип қалған тағы бир-еки шөже гүйиз қайтарып жатырған сыйырдың үстине минип, бир-бирине тәп бергиси келгендей еңкейип тур (М.Нызанов).