ПӘТЛЕНИЎ
Қарақалпақша
ф. 1. Күшейиў, артыў, умтылыў, ғайратланыў.
Билеклериниң булшық етлери ойнап пәтленип ислейди (Ө.Хожаниязов).
Көрген нәрсесин алмаса, Пәтленип қанат қақпаса, Жоқ жерден аңды таппаса, Қаршыға қус неге керек (Күнхожа).
2. Ашыўланыў, қәҳәрлениў, қызыў.
Қәпелимде ери пәтленип чайник-кеселерди бир-бирине урып, ҳаялына тәп берип тепкиге алды (Т.Қайыпбергенов).
Мен сол ўақта қарсы пәтленип, «уялмайсыз ба, мен сизди, аға», — деп жүрмен-аў дедим (А.Бекимбетов).
Ғарры қызының аманлығына сүйсинип, абыржы кеўли жубаныш тапса да, бираз ашыў менен пәтленди (Т.Қайыпбергенов).
— Ҳаў, онда бүйтип пәтленгени неси? (А.Садықов).