УШЫҚ
Қарақалпақша
ф. Аспанға, көкке көтерилиў, ҳаўалаў, жоқарылаў.
Көк жүзин кәрўан дүзип тырналар ушты (Ж.Аймурзаев).
0 Ушып-қоныў — куўанғаннан тыным таппаў.
Ушып-қонып перийзат, Болар исти ойлады («Ер Зийўар»).
Оққа ушыў.
а) оқ тийип қулаў, жығылыў.
б) өлиў, қазаланыў.
Ушып турыў — жылдам тез, шаққан турыў.
Орнынан ушып турып, жән-жағына қарады (А.Әлиев).
Зәрреси ушыў — қорқыў шоршыныў, сескениў.
Жылан шаққандай зәрреси ушып кетти (Ө.Хожаниязов).
Мурттай ушыў — қулаў, жығылыў.
Қаўын қоста мурттай ушып, Аўырды да қысылды дем (И.Юсупов).
Көзинен бир-бир ушыў — сағыныў, интизар болыў.
Көргенлердиң көзлеринен бир-бир ушып (С.Нурымбетов).
Қустай ушыў — тез жүриў, алға умтылыў, тезлигин жоқарылатыў.
Машина гүрилдеп, қустай ушып алға жөнелди (С.Хожаниязов).