USHÍQ
Qaraqalpaqsha
f. Aspanǵa, kókke kóteriliw, hawalaw, joqarılaw.
Kók júzin kárwan dúzip tırnalar ushtı (J.Aymurzaev).
0 Ushıp-qonıw — kuwanǵannan tınım tappaw.
Ushıp-qonıp periyzat, Bolar isti oyladı («Er Ziywar»).
Oqqa ushıw.
a) oq tiyip qulaw, jıǵılıw.
b) óliw, qazalanıw.
Ushıp turıw — jıldam tez, shaqqan turıw.
Ornınan ushıp turıp, ján-jaǵına qaradı (A.Áliev).
Zárresi ushıw — qorqıw shorshınıw, seskeniw.
Jılan shaqqanday zárresi ushıp ketti (Ó.Xojaniyazov).
Murttay ushıw — qulaw, jıǵılıw.
Qawın qosta murttay ushıp, Awırdı da qısıldı dem (I.YUsupov).
Kózinen bir-bir ushıw — saǵınıw, intizar bolıw.
Kórgenlerdiń kózlerinen bir-bir ushıp (S.Nurımbetov).
Qustay ushıw — tez júriw, alǵa umtılıw, tezligin joqarılatıw.
Mashina gúrildep, qustay ushıp alǵa jóneldi (S.Xojaniyazov).