ҒӘРИП
Қарақалпақша
ат. 1. Бийшара, жуўас, мүсәпир.
Ашлық жылы өлген ғәрип анасын, Я ойлайма жаңа аўыл, қаласын? (И.Юсупов).
Ләшкердиң алдында киятырған Ер Зийўар, Көрди ғәрип анасын («Ер Зийўар»).
2. Кәмбағал, жарлы, аш-жалаңаш, қорғансыз.
Ғәриплердиң мүлкин алып жылатып, Көз алдында ийтлерине талатып (Бердақ).
3. Бахытсыз, сорлы.
Шынаргүл дер болдым ғәрип, Аяғымда сансыз жарық (А.Дабылов).
4. Жолаўшы, гезенде, мүсәпир, келгинди адам.
Елиңе келген ғәриппен (АЕН).
0 Ғәрип-ғәсер — кәмбағал, аш, жарлы адамлар, кисилер.
Ғәрип пенен ғәсерге тийер ме екен пайдасы (ққ.х.қ.).