ALDÍNA
Qaraqalpaqsha
r. Ortaǵa, kópshilikke, hámmege.
Serimbet ornınan turıp, jıynalıstı ashtı hám kópshiliktiń aldına kún tártibin qoydı (Ó.Ayjanov).
Aldına adam salmaw — óz qatarınıń aldı, teńlesi joq.
Aldına adam shıqnaw — heshkim betine qarsı kele almadı.
Aldına keltiriw — islegen isin ózine qaytardı, esesin qaytardı.
Aldına saldı — a) kózine kórsetti, aldına jaydı, b) sınattı, sarapqa saldı.
Aldına (kese) tarttı — a) usındı, berdi, sıyladı, b) názerǵe usındı, kórsetti, g) másele etip qoydı, kóterdi, esine saldı.
Aldına tústi — a) ilgeri shıqtı, basıp ozdı, asıp ketti, b) úlkenniń jolın aldı, aǵanıń aldına túsip dástúrdi buzdı, g) baǵınıshlı boldı, moynına aldı, aytqanınan shıqpadı.
Kóz aldına keltiriw — oyına alıw, eslew, oyına elesletiw.
Keleshekte ana bolıwın kóz aldına keltiriw hár qanday hayalǵa quwanısh baǵıshlaydı (gazetadan).
Óz aldına — a) jeke, dara.
Al aqıllı hayal ákesi tuwralı jaqsı sózlerdi jiyi-jiyi aytıw arqalı bala sanasına ákege degen óz aldına xúrmet penen sıylasıqtıń urıǵın egedi (násiyat).
Óz aldına tútin tútetiw — jeke úy bolıw, shańaraq bolıw, otaw tigiw, shańaraq kóteriw, bólekleniw.