Adamgershilik qásiyet, namıs, uyat, xújdan.
Asıraymız, aybatım dep, arım dep, YAlǵanshıda, ómirligim, barım dep (S.Kunnazarov).
Qaraqalpaǵımsań — namısım, arım, Al men perzentińmen, máńgi diyarım (G.Esemuratov).
Ar kóriw — namıslanıw, uyat sanaw.
Arın arlaw — namısın qorǵaw, pákligin dálillewge háreket etiw, kómeklesiw.
Arın saqlaw — namısın qorǵaw, adamgershiligin saqlaw.
Arın satıw — namısınan beziw, uyatqa qalıw.
Arın tógiw — namısın qorlaw, uyatqa qaldırıw.
Pánt jedim, ar-namısım ishime sıymay júregimdi jandırıp jiberdi (A.Bekimbetov).