ARAN
Qaraqalpaqsha
at. 1. bot.
Kóknar tuqımlasına jatatuǵın bir jıllıq ósimlik, shóptiń túri, aran jawın menen qırda ósedi.
Aran menen selewdi, Attıń otı der edi («Alpamıs»).
2. Erte zamanlarda ómir súrgen xaywanattıń bir túri.
Aran kibi ashılǵanda awızı, Sál sozılıp sawmalaǵan sawrısı (T.Qabulov).
3. Gerbish penen temirden jasalǵan qorshaw.
4. Ań awlawda qollanılatuǵın ústi jabılǵan tereń or, shuqır.
Ústirttegi bul sırlı obyektlerdiń sayǵaq, qulan, arqar, jayran kibi mıńlap toparlasıp júretuǵın dúz ańların massalıq túrde awlaw ushın qurılǵan qurılıs — aran ekenligin dálilledi (gazetadan).
5. Nápsi, qulqını.
Aranı ashılıw — nápsisi ashılıw, ashkózleniw, qanaat etpew, mise tutpaw, qunıǵıw.