ARENA
Qaraqalpaqsha
(lat agepa-kum) 1. Áyyemgi Rim tamasha kórsetiw orınlarınıń amfiteatr ortasındaǵı qum sebilgen aylana maydanı.
Sport oyınları, gladiatorlar urısı, ólimge xukim etilgenlerdiń jabayı haywanlar menen gúres tamashası ushın arnalǵan; 2. Házirgi zaman tsirkinde tamasha ornı, oyın maydanı, maydansha, keńislik.
Ol házir manej dep ataladı.
TSirk arenası diametri 13,5 m; 3. Sport maydanı — arnawlı sport túrleri boyınsha oqıw trenirovka shınıǵıwları hám jarıslar ótkeriwge arnalǵan maydansha, ashıklıq, keńislik.
4. Maydan, kópshilikke tarqatıw.
Olar ádebiyatımızdı keń arenaǵa shıǵarıwda shın kewilden xızmet etip atır («Ámiwdárya» j.).