ASPAN
Qaraqalpaqsha
at. Jerdiń yamasa basqa da astronomiyalıq obyekttiń joqarǵı qatlamı, tóbemizdegi keńislik.
Babam paqır túyede ayaqlasa, Men aspannıń aq bultın jarıp keldim.
(T.Jumamuratov).
Aspan shırshalaǵan badıyaday kók.
(I.
YUsupov).
0 Aspanǵa balta ılaqtırıw — ashıwlanıp qutırıw; aspanǵa kóteriw, aspanǵa shıǵarıw — asıra maqtaw, marapatlaw, xúrmetlew; aspandaǵı ayǵa qol sozıw — shaması kelmeytuǵın iske urınıw; aspandı eki eli ákeliw, aspandı jerge túsiriw — 1) qorqıtıw; 2) uwayımlaw, qayǵırıw; aspandı tirep turıw — qúdiretke iye bolıw.
Eger sen aspandı tursań da tirep, attan túsip sálem bermegiń kerek.
(I.YUsupov).
Aspannan túskendey — 1) tosattan, birden; 2) xabarı joq; 3) túsinbeydi.
Aspan úzilip jerge túseme — uwayımlama, qayǵırma, qorqpa.