BADAM
Qaraqalpaqsha
at. Forması súyir, qızǵılt gúlli, túslikte ósiwshi miywe aǵashı.
Arttırǵanı badam aǵash ortası, Bal izlegen Baybóriniń balası («Alpamıs»).
Ánjir, alma, ánar, badam.
Baǵda sayratıp dembe-dem (qq.poez.ant).
Baǵda pitken badam bar, Kerilip atqan adam bar (Q.Irmanov).
0 Badam qabaq — badam aǵashınıń miywesine teńep, sulıwlıqtı kórsetedi, bul ásirese hayal-qızlarǵa kóp qollanıladı.
Badam qabaq júzinde qal, Jolıńa baǵısh dúnya-mal (Ájiniyaz).
Aralda qızlar bar badam qabaqlı, Ellerine qımbat maqset-muradı (SH.Mámbetmuratov).
Kóziń tússe kewlin uradı hallas, Badam qabaq, oymaq awız qıya qas («Alpamıs»).
Piste murın, badam qabaq keń qushaqlı aq tamaq («Qırq qız»).