BALTÍR
Qaraqalpaqsha
at. Tobıq penen dizeniń aralıǵı, bulshıq eti.
Baltırların shań basqan, ayaqların mań basqan («Qırq qız»).
Al, atızdıń ortasına kelip, juwan baltırǵa qapqan paxtalarǵa názer salǵanımda, úst kiyimlerim suwdan sıǵıp alǵanday boldı (Ó.Xojaniyazov).
Baltırı nıq bolıwına qaramastan, belleri jip-jińishke (K.Mámbetov).
0 Baltır sızlaw — mashaqatqa túsiw, qıyınshılıqqa ushıraw, awırmanlıq túsiw.
Qısta, jazdıń ıssısı, Tabanıńa basılǵan ǵıjlap, Ata-babam ózgertti qonıs, Bası awırıp, baltırı sızlap (G.Esemuratov).