BAP I
Qaraqalpaqsha
at. 1. Alda bolatuǵın jaǵday, ret, jay.
Aǵa-begler nur jaynaǵan ol júzi, Jurt aldında makul sóylegen sózi, Urıs maydanında mıńǵa bir ózi, Batırlıq babında tánha Ázbergen (Berdaq).
2. Bir nárseni ıńǵayı menen, reti menen islew.
Qálpeniń de mamanı bar, Babın tawıp qus sala almas (N.Dáwqaraev).
0 Jumıs babı, xızmet babı — belgili bir jaǵday menen, jay menen, hádiyse menen, awxal menen.
— Awa, jumıs babında barıp qaytıwım kerek (Ó.Xojaniyazov).
Sebebi, bul awılǵa xızmet babında yamasa birewge xat ya gazeta alıp baraman (Ó.Xojaniyazov).
Sawash babı — urısqa kerekli qarıw-jaraqlardı tayarlaw, házirlew, tayın etip qoyıw.
Márt júregin terbendirer uranlar, Házirlenler sawash babı zatlardı (I.YUsupov).
Babına keltiriw — ıńǵayına, jayına, ornına keltiriw.
Umıtqanım joq onı da babına áste keltirdiń («Qırq qız»).
Baplap sóylew — a) albıramay, asıqpay, saspay, jayı menen, salmaq penen sóylew.
b) qatırıw, bejeriw.
Bir bapta — jay paraxat, áste-aqırın, bir júris penen júriw, pákize, jaqsı, kewildegidey.
Qız bir bapta, ırǵatılsh júrse, jigitler «qızdı kórip kalayıq» dep júrisin tezletti (K.Sultanov).