BARMAW
Qaraqalpaqsha
f. Niyetlegen, diydilegen, baǵdarlaǵan, barıwǵa tiyisli jerge bara almaw.
Ámet oqıwǵa barmay qalǵan edi (T.Qayıpbergenov).
Bul turısım menen awılǵa barmayman, — dep Liza Arzıwdı qushaqlay tústi (J.Aymurzaev).
Barsa-kelmew — barǵan jerinen qaytıp kelmew, izine aylanbaw, aylanıp kelmew.
Seniń ushın bastı tartpay keteyin, Jaman jaza barsa-kelmes súrginge («Qırq qız»).
Bunıń ústine tuwǵan anamnıń ózim joqta barsa-kelmes jolǵa ketkeni esime túsip, tula boyım laplap, say-súyegimdi soydı-aw! (Ó.Xojaniyazov).