BAXÍTSÍZ
Qaraqalpaqsha
kel. Talayı joq, baxıtı joq, biyshara, ǵárip, músápir.
Ájayıp baxıtsız, baxtıqaraman, Bul zamanda onda qalay qılaman (Kúnxoja).
Berdaq shayır ózinen burınǵı hám ózine zamanlas Kúnxoja, Ájiniyaz sıyaqlı shayırlardıń da baxıtsız, qayǵılı ómirde ótkenligin kórsetedi (B.Ismaylov).
0 Baxıtsız hádiyse — ómirde, turmısta júz beretuǵın kewilsiz, qayǵılı, unamsız waqıya — ...puqaralarımızdıń qáwipsizlik qádelerine itibar bermewi usınday baxıtsız hádiyselerge alıp kelmekte (gazetadan).
Óndiristegi baxıtsız hádiyselerdi hám keselliklerdi tekseriw hám de esapqa alıw (gazetadan).