BEDEW
Qaraqalpaqsha
at. 1. Júyrik at, jılqı.
Ustalardı jıydırıp, Bedewlerdiń er-toqımın sayladı («Máspatsha»).
- Mingen bedew jeler dep, Mártlik dáwran súrer dep («Qoblan»).
Baǵda bedew kisneydi, At boldım dep yar-yar («Alpamıs»).
2. Sın-sımbatı kelisken, bekkem.
Bul qız-kelinsheklerge tán.
Ol erik túbindey bekkem, janı shıqsa da, sırı sırtqa shıqpaytuǵın bedew kelinshek edi (Ó.Xojaniyazov).
Qatar-qatar naz bebewler oynasa, Qazanlarım tolı mayǵa qaynasa («Máspatsha»).
0 Bedew at - jılqınıń, attıń júyrigi, shapqırı.
Ólgen soń seni kim yadlar, Sebil qalar bedew atlar (I.YUsupov).
Fashistlerdi joq qılıwǵa, Mindi hámmesi bedew attı (J.Aymurzaev).
Aldın barlap ańlanbaǵa, bedew attay tańlanbaǵa (S.Májitov).