BEZEW II
Qaraqalpaqsha
f. 1. Kórkemlew, naǵıslaw, sulıwlaw.
Bunda hámme gilem menen bezegen.
Jaylarınıń diywalın da, polın da (I.YUsupov).
Gúl naǵıslı oboy menen, Bezep shıqqan eken jaydı (I.YUsupov).
Taw-toǵayǵa saldım tuyǵın, Ayaq bawın bezep jezden (Berdaq).
2. Gúl hám taǵı basqa da ósimliklerdiń sán beriwi, qulpırıwi, dóniwi.
...baǵdardan, baqshalardan hár túrli gúller kóshirip ákelip, mádeniy shertektiń qır aylanasına otırǵızıp bezedik (A.Bekimbetov).
Qarsı aldında móadiregen Arzı kól, Gúlge bezep ormatılǵan aynaday (I.YUsupov).
Báhár-báhár, janım báhár miymanım, Gúlge bezep kelseń Ámiw boyların (I.YUsupov).
3. Tábiyat qubılısların súwretlew.
Emeski samal esti de kóldiń jiyeklerin aq kóbiklerge bezedi (Ó.Ayjanov).
Hám bezep ómir báhárin, Ushadı bul qos qarlıǵash (B.Qayıpnazarov).
...eń jaqsı sıpatlar menen bezegen (Q.Maqsetov).