BELSHE
Qaraqalpaqsha
at. 1. Beldiń kishkene túri, kishkene bel.
Bala juwırıwı menen úyindegi belsheni alıp kelip, qulaqtı bayladı (Q.Ayımbetov).
2. Belbew buwatuǵın jer, belbuwar.
Awır eken sonshelli, Qara tastı qaq jarıp, Belshesinen batadı («Er Ziywar»).
0 Belshesinen batıw — a) patas bolıw, kirge batıw.... belshesinen qanǵa batıp, dizesinen suw keship júrgende de usını árman etedi eken (Ó.Ayjanov).
b) gáp sózge qalıw, mashqulǵa túsiw, jumıstan basın ala almaw, jumısı kóp bolıw.
Tún ishinde ter tógip, búlinip belshesinen batıp kiyatırǵanınıń sebebi bar (J.Aymurzaev).
v) qarızdı bolıw, qarızlar bolıw.
Qarızǵa ala-ala belshelerimizden battıq (J.Aymurzaev).