BIYLEW
Qaraqalpaqsha
f. 1. Basqarıw, aydaw, júrgiziw, mengeriw.
...ekskavatordı kóp uzamay-aq Qalbay ózi biylep, ózi qazatuǵın da boldı (gazetadan).
...olar mashinanıń rolin tez kúnde-aq biylep ayday alatuǵın boldı (gazetadan).
2. Basshılıq etiw, meńgeriw, basqarıw, is alıp barıw, hámelin júrgiziw.
Biraq ta, ol óziniń eliwden aslam ulqizlarınıń tek jigirma tórtine ǵana el biylewge ruqsat bergen.
(K.Mámbetov).
Eldi biylegen aqsaqal, bolıslar, Márdikarǵa xatlay basladı (Á.SHamuratov).
Bárin ózine qaratıp, biraz xalıqtı biylep edi (A.Dabılov).
Kay mámleket bolsa da biylew jóninde bir nızamǵa súyenedi (K.Irmanov).
3. awıs. Sırtqı qubılıstıń tásir etiwi, basqarıwı, qaratıwı, boysındırıwı.
Júregim erigen mayday eljiredi, ózimnen ıqtıyar ketip, bedenimdi bir kúshli sezim biylep aldı (Ó.Xojaniyazov).
Bunnan tısqarı meniń óz muxabbatıma pákligim tótepki berdi, meni shıdam biyledi (Ó.Xojaniyazov).
Erkimdi biylep eńseme minip aldı (J.Aymurzaev).
0 Biyıqtıyar biylew — erksiz túrde mengeriw, basqarıw.
Inim, bawırıvdı mayday eritedi, qáytse de tózimińdi tarıltıp, sezimińdi biyıqtıyar biyleydi (Ó.Xojaniyazov).
0 Biyley almaw — hakıyqat meńgere almawshılıq, basqara almay qalıwshılıq.
Sondıqtan, men de muhabbat aldında házlik etip, ózimdi naq biyley almay, Miyirxanǵa aldı burın qolımdı uzattım (Ó.Xojaniyazov).