BIYLIK
Qaraqalpaqsha
at. 1. Mámleket, xúkimet tárepinen qanday da bir is-ilaj lardı orınlanıwı haqqında beriletuǵın buyrıǵı, buyırtpası, tapsırması, kórsetpesi.
Ministrler Kabinetiniń 1991-jıl 25- oktyabrdegi qararına muwapıq Qorǵanıw isleri ministrliginiń huquqıy biyligi, dúzilisi hám Nızamı tastıyıqlandı (Ózbekstan tariyxı).
2. Qátqudalıq etiw, hákimlik etiw, tárelik etiw.
— Biylik ózinde, dáwlet qolında, ul perzentsiz jalǵız baslı jigitseń (J.Aymurzaev).
Óz elinde xoja, Óziń biylik súreseń (SH.Mámbetmuratov).
Asan babań on altısında biylik aytıptı (K.Sultanov).
0 Biylik qaǵaz — biylik etiw ushın alınǵan ruqsat qaǵaz, gúwalıq qaǵaz (gúwanama).
Toyda bir dawlı isti sheship bolıp, biylik qaǵazǵa már basıw ushın qarasa, móri paytaxtta qalǵanı málim boladı (qq.x.e.).