BILDIRIW
Qaraqalpaqsha
f. 1. Xabarlaw, málimlew, aytıw, jetkeriw, jetkiziw.
Bunı baydıń saqshıları esitip, bayǵa bildiredi de, súyinshi aladı (qq.x.e.).
Biraq, óziniń kelgenin bildireyin dep, Báybátsheniń qoynına bir jup teńge salıp, ózi ketip qaladı (qq.x.e.).
2. Sezdiriw, kórsetiw.
— Áttegene-ay, — dep ayanısh bildirdi kempirler (Ó.Ayjanov).
Ájiniyaz kózi mólteńlep, jalınıshlı túr bildirdi (K.Sultanov).
0 Bildirgisi keliw — islegen isin bildiriw, sezdiriw, ańlatıw.
Kelgenligin bildirgisi kelip, onıń gápin qızıǵıp tıńlay berdi (Á.SHamuratov).