BUJÍR
Qaraqalpaqsha
bujır-bujır kel. 1. Bir nárseniń sırtqı kórinisiniń tegis emesliǵi, gedir-budır, oylı-bálentli bolıwı.
Kúndiz kumdı aralap qoy baǵıp, túnde tas dastanıp, tawdıń bujır-bujır tasınıń ústinde jataman (qq.x.e.).
2. SHeshek awırıwınan qalǵan daq, belgi, qotır, bujır-bujır tańba.
Bujır-bujır kózi qısıq, Qalǵıp bası, tómen túsip (SH.Artıq).
Bujır bet - a) Jas óspirimlerdiń betine shıǵatuǵın ugri sebepli bettiń tegis bolmawı.
b) ayırım adamlardıń betiniń tábiyǵıy jaqtan tegis bolmay, bujır bolıwı.
Asqarbaydıń shım qara bujır betinen ter jıltıradı (SH.Seytov).