BULAQ
Qaraqalpaqsha
at. 1. Tawdın yamasa jerdiń astınan shıǵıp turǵan suwdın ornı, jeri, kózi, uyası.
SHóllerde ketip baratırsa bir bulaqtıń boyında esapsız kulańdı kórip, Máspatshanщ eserlik basına urdı («Máspatsha»).
Mindi tawdın ústine, Sol bulaqtıń basında, Otır edi bir ǵarrı, Oǵan tayar boladı («Qoblan»).
2. Bir nárseniń kelip shıqqan jeri, káni, negizi.
... Aral teńizi ultanınan gaz bulaqları atlıqqanı xakkında xosh xabar xámmeni úlken kuwanıshqa bólegen edi (gazetadan).
Óttim taw xám bulaqlardan, Tırna kózli bulaqlardan (I.YUsupov).
3. awıs. Kóp, mol, náwpir.
Ilimdi neshshe túrli iyeleńiz, Sanı kóp aǵıp turǵan bulaqtan da (S.Nurımbetov).
Taw bawırınan sansız baylıq tabıldı, SHólistanǵa gúmis bulaq aǵıldı (D.Qasımov).
0 Móldir bulaq ~ kógis suw, tınıq suw.
...sol baxıttıń móldir bulaǵın ılaylap ketken ákemdi jek kóretuǵın boldım (K.Smamugov).
Aǵızıp kózdiń bulaǵın — kózden jas aǵıw, jılaw.
Bir topar jan baǵar eshki-ılaǵın, Zar eńirep aǵızıp kózinen bulaǵın (Berdaq).
Hasıl sózdin bulaǵı — sheber sózli, sózdi jaqsı etip ayırıwshı.
Burqıp aqsın hasıl sózdiń bulaǵı, «SHalqısın shayırlık órnegim» derseń (I.YUsupov).