BÚRKIW
Qaraqalpaqsha
f. 1. Sebiw, sewiw, shashıw, shashıratıw.
Azıraq suw búrkip, úydi jeńil-jelpi sıpırdı (J.Aymurzaev).
Búrkiw waqtında qáwipsizlik sharaların yadtan shıǵarmawımız kerek (gazetadan).
2. Kúnniń sebelewi, jawıwı.
... bizler ádewir jol júrgennen keyin kún de búrkip, jollar tayǵaq bola basladı (Q.Ayımbetov).
0 Qoltıǵına suw búrkiw — qaytarıp taslaw, qarsı shıǵıw, qáhárin qaytarıw, pásine qaytarıw.
Bolıs kópshikti bálentten qoyıp, jelókpelerdiń qoltıǵına suw búrkedi (N.Bórekeshov).
Sózge suw búrkiw — sózin alǵa bastırmaw, qaytarıp taslaw.
Sózge suw búrkip talayǵa, Tilin jallap sóylep edi (A.Dabılov).
Gegirdekke suw búrkiw - aytısıw, sóz alısıw, urısıw, keyisiw, jánjellesiw, baqırısıw, shawqım shıǵarıw, shatasıw.... bular biraz waqıt gegirdekke suw búrkip, bir-birine topıldı (Q.Ayımbetov).