BÁREKELLA
Qaraqalpaqsha
1. t.s. Adamnıń qanday da bir háreketinen kewli tolıw, maqullaw, maqtawdı ańlatadı.
— O, bárekella! — dedi direktor qızlardıń isine súysinip (Ó.Xojanov).
— Júdá jaqsı qılıpsız, bárekella bolıptı (M.Nızanov).
2. t.s. Maqtawda, quwatlawda aytıladı.
Qáne káleseń, Barjay bolıp tilegiń, Bárekella balalarım der ediń (K.Sultanov).
3. Tańdanǵanda, hayran qalǵanda aytılatuǵın xoshamet.
— Bárekella, bárekella, — dedi Serimbetke xoshametlep, — seni bul jerge bir kúsh alıp kelgen ǵoy, ulım (Ó.Ayjanov).
— Bárekella, shayır bolsań sonday bol, — dep tańlayın qaǵıp kiyatır (K.Sultanov).
4. Narazılıq, qanaatlanbaǵanda aytıladı.
— Háy bárekella, qılayın degeniń usı ǵoy-a! (S.Májitov).
5. Mısqıllaw, mazaq qılıwda aytıladı.
Bárekella, adam bolıp qalıptı, paqır! (Ó.Xojaniyazov).