BÓGENEK
Qaraqalpaqsha
at. Arba ústiniń dóńgelek etip bastırılıwı.
Arbanıń ústindegi bógenekke úlken kiyiz jabılıp, shatırınıń barlıq tárepi beklengen edi (S.Ayniy).
Bógenekke qonar ǵarǵa, Arısı joq jaman arba, Táńirge ilajıń bar ma, SHolaq iytim aman bol (Ájiniyaz).
0 Bógenek arba — ústi dóńgeleklenip bastırılǵan arba.
Par at jegilgen bógenek arba atalıq penen jasawıldı alıp, Qońıratqa qaray joldı shańǵıtıp tarttı (K.Sultanov).