GEWGIM
Qaraqalpaqsha
r. Kún batısh, dógerektiń gúńgirtlenip qarańǵı túsken waqıt.
Kóp uzamay gewgim tústi (K.Dosanov).
0 Ala gewgim — Kún batqan waqıt.
Ala gewgim, báhárgi kesh, Sizdi adam qalay súymes, Siziń menen ishisiwdi, Kalay súymespen gúl sizdi? (B.Qayıpnazarov).
Gewgim tartıw (túsiw) — Kún qaraya baslaw waqıtı.
Gewgim tartıp kublanda, Qarataw tur túksiyip (K.Raxmanov).
Átirapqa gewgim tústi qarańdap, Ásten shıqtıń ján-jaǵıńa alańlap (Á.Qayıpov).