GIRIPTAR
Qaraqalpaqsha
r. 1. Qanday da súyiwshilik seziminiń tásiri astında bende bolıwshılıq, duwshar bolıw, dilgir bolıw, jolında pidá bolıwshılıq, shatılıw, tutılıw, bánt bolıw.
YAr jolında ólgenshe giriptar bolǵan, Kúygelek kózli yar kúydirme meni (qq.x.q.).
Kópten bel awırıwǵa giriptar boldım (gazetadan).
2. Bir nársege duwshar bolıw, ushıraw.
— Bárekella, dayım Bozuǵlannıń sózin qabıl almay, bul bálege giriptar boldım, — dep kózine jas alıp bir ǵázzel aytar edi... («YUsup-Axmet»).
3. Ǵárezli bolıw.
Men mástanǵa boldım endi giriptar, Barsań aytqıl sálem ata-anama («Er Ziywar»).