GÚWA
Qaraqalpaqsha
at. 1. Bolıp ótken bir waqıya yaki xádiyseniń bolǵanın óz kózi menen kórgen, onıń haqıyqattan bolǵanlıǵın tastıyıqlawshı adam, kisi.
Ótirikshi ólgen adamdı gúwa tutadı (qq.x.n.m.).
SHiyrin dárt jamalar dártim ústine, YA gúwa bolǵanım ertek misli me? (N.Jangeldiev).
2. Sud yamasa tergewge baylanıslı óz bilgenlerin aytıp beriwge shaqırılǵan shaxs.
Burın sawdagerlik iske aralaspaǵanman.
Sonıń ushın da maǵan gúwa bolarlıqtay adamnıń ózi tabılmay qaldı (K.Mámbetov).
3. Waqıya, hádiyse, pikir, halat hám t.b.
tastıyıqlawshı nárse, dálil.
Inanbasań, aǵa xanım sózine, Minekey balańnıń eki gúwası... («Meńdiqal»).