GÚNA
Qaraqalpaqsha
at. 1. SHáriyat qaǵıydalarına, diniy aqiqalarǵa tuwrı kelmeytuǵın is-háreket.
Keshir gúnamdı dep, eki qolın kókiregine saldı (J.Aymurzaev).
2. Ádeplilik sheńberine tuwrı kelmeytuǵın qılmıs, ayıp, jınayat.
Gúna bardı sawdagerdin ózinde, Abdullanı tanıp ketti bir hayal («Meńliqal»).
0 Gúnaǵa batu — kóp ayıp etiw, kóp qılmıs islew.
Gúnanı ótew — ayıbın, qılmısın joyıw.
Gúnasınan ótiw — ayıbın keshiriw.
Inimdi urıp sen qozdırdıń dártimdi, Íras aytsań seniń gúnań ótiler... («Menliqal»).
Gúnasın juwıw — ózin aqlap, ayıpların, kemshiliklerin dúzetiw.
Gúnasın moynına qoyıw — ayıbın tán aldırıw, qılmısın belgilew.
Hajeke, ashıwlanba oyınıma, ashıwlan gúnam qoyıp moyınıma («Ájiniyazdıń Qız Meńesh penen aytısı»).