GÓR I
Qaraqalpaqsha
at. Qaytıs bolǵan adamdı kómiw ushın arnalıp qazılǵan uzın, tereń shuqır, qábir, láhát.
Jamannıń tárinde bolǵansha, jaqsınıń górinde bol.
Búkirdi gór dúzetedi (qq.x.n.m.).
Gór boladı usı jer, O dúnyaǵa atlanǵan (K.Raxmanov).
0 Bir ayaǵı górde, bir ayaǵı jerde bolıw — Ábden qartayıw, óliw xalında.
Bir ayaǵım górde, bir ayaǵım jerde turǵanın kórip tursań, usı otarǵa ketpey-aq qoysań qalay boladı, — degendi ayttı (M.Dáribaev).
Gór awzınan qaytıw — Ólimnen zorǵa aman qalıw, tiri qalıw.
Gór awzınan aman qaytqan jas jigit, Maqtawlarǵa qulaq aspadı xesh te (I.YUsupov).
Ol úsh mártebe gór awzınan qayttı (Q. Dosanov).
Górge kiriw — Ólgen adam mánisinde.
Úyge kirgen qurı shıqpas, Górge kirgen tiri shıqpas (qq.x.n.m.).
Birewge gór qazıw — Jamanlıq oylaw, niyeti dúziw emes.
Ájeldi, ólimdi bilee de adam, Ózgege qas bolıp gór qaza berdik (A.Kramov).