DIYUAL
Qaraqalpaqsha
at. 1. Imarat, úydiń tóbelerin kóterip turıwshi yamasa bólmelerge ajıratıwshi tik bólegi, qorǵan.
Jaydıń paqsası, qanatı diywal ılaydan (paqsa diywal), pisken ya qam gerbishten, tas, shlak-beton hám temir-betonnan islenedi.
Patshalıq sháhár Xiywanı jawdan saqlaw ushın diywal salınadı (K.Sultanov).
2. Qanday da bir nárseniń (mıs: asqazan, dvigatel) átirapı oralǵan yamasa bólimderge ajıratqan bólegi; asqazan diywalı, tsilindr diywalı.
3. Qanday da bir jerdi (mıs: úy) aylanasın oran alǵan yamasa bólimderge ajıratıp turǵan tosıq; paqsa, taxta, sım, temir-beton, gerbish penen oraladı.
Tórt diywal ishine jayǵasıw qıyın, Ańsayman ruwxıy diywal bolıwın (P.Mırzabaeva).
4. Qala, qorǵan (xátteki mámleket)dı orap, dushpan xujiminen qorǵaw ushın qurılǵan imarat.
0 Diywaldın qulaǵı bar — gáplerin basqalarǵa esittirmew maqsetinde áste sóylew, andap sóylew.
— Hey! Abayla deymen kelin, Ayttım ǵoy, diywaldıń da qulaǵı bar (Muxammed Xoshan).
Reńi diywalday — qorqıwdan, ashıw tan aǵarǵan, sharshaǵan, sur túske engen.
Ol diywalday bolıp aǵarıp ketti de, atların toqtattı («Ashılǵan tıń»).
Tórt diywal ishinde — sırtqı álemnen, jómiyetten ajıralǵan yamasa májbúriy ajıratılǵan xalda ómir keshiriw.
Jalǵızlıq awırlıǵın sezingenmen, Tórt diywal ishinde ezilgenmen (B.Sarıbaev).
Diywalǵa sóylew — biykarǵa aytıw, gápke qulaq salmaw, nemquraydı, paydası joq mánisinde.