DIYQAN
Qaraqalpaqsha
at. (parsı, jer iyesi, awıl hákimi) 1. Tiykarǵı kásibi jer menen shuǵıllanıw, egin egiwden ibarat bolǵan adam, maman kisi.
Diyqanlardıń dáslepki dúrkini qıslawdın jarı jolına jetken shamasında jalańayaq bir bala qırmanxanaǵa shawıp keldi (K.Sultanov).
Diyqan baba nápesi bar jerinde, Juwan ańqıp kiyik qashar kólinde (I.YUsupov).
Kolxoz diyqanı tar.
a) Kollektivlestiriw dáwirinde óz menshik jeri, ásbapları menen birgelikte kolxozǵa aǵza bolıp kirgen shaxs; b) Kolxoz aǵzası.
Jeke diyqan.
tar.
Kolxozǵa kirmey óz aldına, bólek, jeke xalda diyqanshılıq etken kisi.
Boz jerge diyqan bop aq biyday ektiń, Gúzli-báxár tınbay marjan ter tóktiń (A.Sultanov).
2. Bireudiń esiginde xızmet etiwshi adam, batrak.