DÚZIW I
Qaraqalpaqsha
f. 1. Qurıw, payda etiw, jaratıw, ornatıw.
Armiya dúziw.
Jámiyet dúziw.
SHıńǵısxan qanshálli jawız bolmasın, dúnya burın kórmegen úlken imperiya dúzip, tariyxta máńgi at qaldırdı («QÁ» g.).
Mol paxta bazasın dúzip Ellikte, Gaz ashtıń ba Ústirttegi shóllikte? (I.YUsupov).
2. Struktuwralıq bóleklerden bir pútin nárse payda etiw, quraw, dúziw.
Gáp dúziw.
Reje dúziw.
SHeber isiniń de bar ǵoy obalı, Dúkánlar aylanıń dúzip jobanı (N.Jangeldiev).
3. Túrli material, maǵlıwmat hám t.b.lardı jıynap, belgili tártipke túsirip, pútin bir halatqa keltiriw, dóretiw.
Sózlik dúziw.
Sabaqlıq dúziw.
Test orayda soraw toplamın dúzip, Miyneti elengen... apa (Aqsholpan Amaniyaz).
4. Rásmiy ráwishte kelisip, xújjet jazıw.
SHártnama dúziw.
5. SHólkemlestiriw; kurıw, islew.
Otırıspaq dúziw.
Bul tágdirdiń jazıwı úzik sızıq.
Jasaymız hár zattı bir buzıp, dúzip (A.Ismailov).